كفر البطيخ ( من أجل مستقبل مشرق )

مرحبا بك زائرنا الكريم

منتدى ثقافى إجتماعى يتحدث عن كل ما يخص مدينة كفر البطيخ ( بدمياط ) . المنتدى ملتقى الشياب المثقف الواعى بالمدينة .


    جمعية أصدقاء مرضى الكبد بكفر البطيخ ( نظرة موضوعية )

    شاطر
    avatar
    الإدارة
    Admin

    عدد المساهمات : 95
    تاريخ التسجيل : 26/12/2010

    جمعية أصدقاء مرضى الكبد بكفر البطيخ ( نظرة موضوعية )

    مُساهمة  الإدارة في الأربعاء مارس 02, 2011 9:05 am


    من منا كشباب فى كفر البطيخ لا يوجد بمنزله أو بمنزل جار له أو قريب أو صديق له أو منزل شخص يعرفه مريض بالكبد ؟؟!! أشك بل أكاد أجزم بأن مرضى الكبد فى كفر البطيخ فى كل شارع وفى كل مكان .

    من منا فى كفر البطيخ لم يسمع عن جمعية خيرية تسمى بجمعية أصدقاء مرضى الكبد ، تهتم بمرضى الكبد وتقدم للفقراء منهم العلاج المجانى وتدعمهم كل فترة بمؤتمرات طبية لتوعيتهم وتوعية من حولهم بكيفية التعامل والعلاج والاستشفاء من أمراض الكبد ، بل وأمتد الأمر ليوجد بهذه الجمعية حضانة للأطفال المبتسرين حديثى الولادة ، ومستوصف طبى وغيرها من الخدمات ؟!
    إننى أيضاً أكاد أجزم أنكم جميعاً تعرفون الجمعية وتعرفون ما أحدثته من طفرة فى العمل الخيرى التطوعى بكفر البطيخ .

    أول أمس فوجئت بل فوجعت حينما ذكر صديق لى من أعضاء هذه الجمعية والناشطين فى العمل الخيرى بأن مجلس إدارة الجمعية والقائمين عليها اجتمعوا وقرروا إيقاف وتجميد عمل الجمعية ، على جميع مستويات العمل ، بل أنهم بصدد تسليم ما لديهم من أجهزة ومعدات إلى مديرية التضامن الإجتماعى .

    ما الذى دفع أشخاص يعملون الخير ويبتغون منه وجه الله تعالى فى عمل طيب مثل هذا إلى الثورة على عملهم وإيقافه بأيديهم بل واعتزالهم العمل الخيرى ؟؟!!!!!!

    المفاجأة كانت من أن هناك شباب يدعون محاربة الفساد والفاسدين يقيمون مؤتمراً لمناقشة الفساد بكفر البطيخ والمفسدين ، وبدلاً من مناقشة الفساد الموجود ومحاولة التصدى له والقضاء عليه انقلبت السهام والنقد ليتصدى للأعمال الخيرية بكفر البطيخ وفى مقدمتها " جمعية أصدقاء مرضى الكبد " فيا لها من طرفة ومزحة غير مقبولة من أشخاص غير مسئولين بالمرة ، الأمر الأكثر غرابة أن الموضوع لم يكن مجرد نقداً بناءاً بل كان تطاولاً وسباً وقذفاً غير مقبول بالمرة من أى شاب محترم فى كفر البطيخ .
    والأكثر من ذلك وما يحزنك ويجعلك أكثر إمتعاصاً ومرارة أن هناك أكثر من شخصية سياسية واجتماعية على قدر من المسئولية أو أنه من المفترض أن تكون كذلك وتقف مكتوفة الأيدى لتشاهد هذا التضليل وهذا السلوك الغير سوى دون تحريك ساكناً وكأنهم متفقين على ذلك !!!!!!!

    أيها الأحرار المحترمين فى كفر البطيخ إن ثورة 25 يناير المجيدة جاءت لتحطم أصنام الفساد وتهدم أوكار الفاسدين وتطلق أصوات من حبست أصواتهم فى مواجهة الفساد والمفسدين ، لا أن نتطاول ونهاجم الأعمال الخيرية وليت من هاجم انتقد فساداً مدعومة بأدلة ، بدلاً من أن يرمى الناس بالباطل زوراً وعدوانا وبهتاناً .

    ليته كان شخصاً مسئولاً يدرى خطورة رمى الناس بالباطل ويعى جسامة ما يرتكبه ، وليت من سمعوه كانوا على قدر المسئولية وردوا غيبة أناس يجتهدون ليلاً نهاراً لخدمة المجتمع دون مقابلاً إلا أن أجرهم عند الله وأحسبه أجراً عظيماً بإذن الله .

    وأوجه كلامى لمجلس إدارة " جمعية أصدقاء مرضى الكبد " وللدكتور / عماد بلح على وجه التخصيص

    قمتم بعمل الخير لوجه الله تعالى ، ولم تنتظروا شكراً أو استحساناً من أحد واحتسبتم أجركم عند الله تعالى ، لذا فاستمروا فى عملكم لوجهه تعالى ولا تلتفتوا لأى مغرض أو هدام ، وتأكدوا أن كل شاب مثقف محترم فى كفر البطيخ معكم ويرفض أن ينالكم أى شخص مهما كان هذا الشخص بسوء .

    وأكرر هذا خير فعلتموه فليرنا الآخرين ما فعلوه من خير وانهى مقالى الأن فحديث رسول الله صلى الله عليه وسلم :-
    " من كان يؤمن بالله واليوم الآخر فاليقل خيراً أو ليصمت " صدق رسول الله صلى الله عليه وسلم .

    وللحديث بقية .

    ودى وتقديرى

    هانى عيسى
    avatar
    الاستاذة غادة

    عدد المساهمات : 35
    تاريخ التسجيل : 31/12/2010

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  الاستاذة غادة في الأربعاء مارس 02, 2011 8:04 pm


    السلام عايكم ورحمة الله وبركاته

    أولاً : أحب أن اعتذر لجميع الأعضاء والزملاء الأفاضل فى هذا المنتدى العظيم عن تأخرى الفترة الماضية عن الحضور والمساهمة فى المنتدى وذلك لظروف خارجة عن إرادتى وإن شاء سأتواجد قدر استطاعتى فى الأيام القادمة .

    ثانياً : حقيقة أنى دخلت على هذا المقال مباشرة من خلال إعلان عنه عبر الفيس بوك وما لفت انتباهى أن اللينك خاص بمنتدانا وهو ما جعلنى ادخل فوراً وكل الشكر لكاتب المقال الأستاذ / هانى عيسى المحامى الزميل وقد عهدنا فيه حرصه الشديد على الصالح العام بكفر البطيخ ولا أدل على ذلك خير من هذا المنتدى الذى نتبادل فيه الرأى ووجهات النظر بحرية واحترام متبادل فجزاه الله كل خير .

    ثالثاً : قرأت المقال أكثر من مرة قبل الرد عليه واتضامن مع محتواه حرفياً ، فجمعية أصدقاء مرضى الكبد بكفر البطيخ من الأعمال التى تشهد على أن بكفر البطيخ شباب محترم واعى ومدرك أهمية العمل الشعبى والتطوعى وهى مثل يحتذى به ، ولأنها مثل يحتذى به فجدير بإدارتها ألا تهتم وتكترث بمثل هذه التفاهات وتستمر رغم أنف الحاقدين .

    رابعاً : أى توقف للجمعية إنما يعد انتصاراً لقلة من غير المسئولين وغير المدركين بأهمية العمل الخيرى ، ويعد انتكاسة غير مسبوقة وغير مطلوبة فى الوقت الراهن للشباب المثقف المحترم بكفر البطيخ وهذا ما لا نقبله جميعاً .

    خامساً : إننا فى عهد الثورة التى كنا نحلم بها منذ زمن بعيد والثورة تعنى أن يستمر الخير وينتشر لا أن نقل منه وننهيه ، فالثورة ضد الفساد وضد الهمجية واللا مسئولية و ضد طبقة الفوضويين وكلنا شباب الثورة .

    سادساً : رسالة الى الأخ الدكتور عماد سعود بلح وأعضاء جمعيته "" لا تتخلوا عن مرضاكم "" وإلا فذنبهم فى رقبتكم أنتم وليس فى رقبة الهدامين .

    وأخيراً : أكرر شكرى وامتنانى للأستاذ / هانى على فتح هذا الموضوع بالمنتدى ولعلنا نستطيع من خلال منتدانا أن نصل برسالتنا لكل من يعنيه الأمر .

    والسلام عليكم ورحمة الله وبركاته

    الأستاذة / غادة المحامية بدمياط وكفر البطيخ

    المهندس

    عدد المساهمات : 12
    تاريخ التسجيل : 05/01/2011

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  المهندس في الخميس مارس 03, 2011 9:15 am


    شكراً للأستاذ هانى عيسى على الموضوع وشكراً للأستاذة غادة المحامية على الرد والتعقيب ، ولا أجد كلمات أعقب بها على ما قالوه ولكنى أود أن أقول أنه لو كل عمل خيرى فى مصر وقف عشان فيه شخص أو أشخاص تناولوه أو هاجموه يبقى كل الأعمال الخيرية فى مصر هاتتوقف فوراً

    فأرجو من إدارة هذه الجمعية المحترمة إعمال العقل والمنطق .

    وشكراً

    ???? ???
    زائر

    هذا المنتدى رائع

    مُساهمة  ???? ??? في الخميس مارس 03, 2011 9:43 am


    هذا منتدى رائع فعلاً وشكراً للمحترمين أصحاب المنتدى وبجد حاجة تشرف أن يكون فى كفر البطيخ منتدى زى ده ، وبالنسبة للجمعية أنا واحد من الناس ما شوفتش منها غير كل خير ولازم تستمر عشان أهالى كفر البطيخ يستفيدوا بها وشكرا
    avatar
    شريف بدوى
    مشرف متميز
    مشرف متميز

    عدد المساهمات : 121
    تاريخ التسجيل : 31/12/2010
    الموقع : http://kafr.own0.com

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  شريف بدوى في الخميس مارس 03, 2011 9:54 am

    لا استطيع ان ابدأ كلامي فى هذا الموضوع
    ولا اجد من كلمات تعبر عن الذي حدث لشباب هذا البلد
    فأشكر الاستاذهاني عيسى علي تبنيه هذا الموضوع وعرضه في المنتدي
    فعندما اعبر على هذه الكلمات احس بالخزي من هذا العمل المنكر
    الذي قام به مجموعة من الجاهلين بهذا المجهود الخيري العظيم
    الذي من اجله يشفي ويمنع اوجاع المرضي (شفاهم الله) بكفر البطيخ
    فبهذا التوقف عن عمل الخير يعتبر فوز لمجموعة من الجاهلين لا يستحقوه
    فنرجوا ونناشد كل اعضاء الجمعية الخيرية
    بالبدء فورا فى عمل الجمعية واستئناف كافة اعمالها الخيرية التي عودتمونا عليها
    جزاكم الله بها خيرا واعانكم نحن واياكم للتقدم وازدهار هذا البلد رغم انف الحاقدين
    واخيرا وليس بأخير
    اتقدم بخالص الشكر والعرفان لمدير عام المنتدي
    أ/ هاني عيسي
    لبدايته في هذا الموضوع والذي من خلاله يكشف لنا الكثير
    فكل الود والتقدير له وللمشاركين فيه
    وفق الله الجميع



    شريف بدوي

    ??????
    زائر

    نداء الى رجال كفر البطيخ

    مُساهمة  ?????? في الخميس مارس 03, 2011 11:23 am

    اولا قبل ان اوجه النداء اودان اتوجه بالشكر لادارة المنتدى لاحتوائها وتبنيها قضية جمعية اصدقاء مرضى الكبد ثانيا ندائى الى رجال كفر البطيخ الشرفاء الا تنساقو وراءمن يحرضكم على الجمعية وان تنصحو الاخ ( كلمة مشطوبة من قبل الإدارة )بان يتفرغ لقضاياه والا يتدخل فى شئون الجمعية لان الجمعية على مدار الاربع سنوات فعلت مالا يفعله ******** و(كلمة مشطوبة من قبل المشرف العام) فى اربعون عاما واذا كان هناك من يحاسب الجمعية فلن يكون ******واذا كان يريد ان يحاسب فليحاسب ******تاجر (كلمة مشطوبة من قبل المشرف العام) ايضايحاسب نفسه بصفته ****ليس(كلمة مشطوبة من قبل المشرف العام) واريد ان ابلغه بانه ان شاء الله اذا كان يسعى لكرسى فى مجلس الشعب فلن يناله ابدا

    تحذير للزائر ( من قبل الإدارة ) :: هذا المنتدى لكل أبناء كفر البطيخ ولن نمنع أحد عضواً كان فى المنتدى أو حتى زائر ولم يسجل من الإدلاء برأيه فى حرية كاملة ولكن دون المساس بشخص أحد ودون ذكر اسم أحد إلا اذا كان بخير دون ذم أو نقد لاذع يؤثر فى سمعته .
    وأى حديث من هذه النوعية سنضطر آسفين لحذف المشاركة كلها
    .

    عاشق كفرالبطيخ

    عدد المساهمات : 7
    تاريخ التسجيل : 02/03/2011

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  عاشق كفرالبطيخ في الخميس مارس 03, 2011 11:27 am

    [


    عدل سابقا من قبل عاشق كفرالبطيخ في الخميس مارس 24, 2011 12:31 am عدل 3 مرات

    عاشق كفرالبطيخ

    عدد المساهمات : 7
    تاريخ التسجيل : 02/03/2011

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  عاشق كفرالبطيخ في الخميس مارس 03, 2011 11:41 am

    الافاضل ادارة المنتدى نرجوا منكم مراجعة التعليقات قبل عرضها كى لاتكون هناك اساءة لاحد بعينة ندائى للاخ ابو تور أن يكون تعليقه لاعادة فتح الجمعية مرةاخرى لا لهدمها نهائيا سامحك الله فوالله لن تكون أغير على الجمعية منا
    avatar
    جهاد مجاهد
    مشرف متميز
    مشرف متميز

    عدد المساهمات : 47
    تاريخ التسجيل : 19/01/2011

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  جهاد مجاهد في الخميس مارس 03, 2011 1:37 pm

    بسم الله الرحمن الرحيم

    تحياتي إلى كل أعضاء وزوار منتدانا الغالي منتدى كفر البطيخ أما بعد

    في البداية اشكر الأستاذ هاني على فتح هذا الموضوع لأنه موضوع هام وشغل كثير من تفكير الناس في كفر البطيخ

    كما أيضا أثار جدل بين كثير من المؤيدين وكثير من المعارضين.

    مع احترامي إلى كل الآراء أحب أقول أن الموضوع نوقش بصوره في وجه نظري خطى والخطى هنا في مهاجمة المعارضين للجمعية

    وأنا واثق كل الثقة أن الهجوم من منطلق الحرص على مصلحة كفر البطيخ ولكن أحب أن يثار الموضوع بشكل أخر وهو المناقشة والحوار بين كل

    المؤيدين وكل المعارضين و أنا أرى أن المستوصف عمل وفكره رائعة جدا بل ممكن أن نقول انه من أفضل المشاريع الخيرية في محافظة دمياط

    ولكن لا مانع بوجود سلبيات في المشروع الخيري العظيم هذا فمن الأفضل الحوار وإصلاح الأخطاء.

    فلا يجب الاحتكار على فكر الأخر بل نتحاور لإصلاح الأخطاء ونجعل المشروع الخيري الرائع أفضل.

    مع خالص تحياتي إلى كل من ساهم في هذا المشروع

    ??????
    زائر

    الى الفاضل الدكتور كمال سلامة

    مُساهمة  ?????? في الجمعة مارس 04, 2011 5:20 pm

    تحية الى القائمين على هذا المنتدى زززززززز اود ان اقول لكم انه ليس بينى وبين ***********اى شىء من قريب او من بعيد ولكن عندما اقام ******************************************************************************************************************************************************************************************************************************************************************************************************************************************************************************************************************************************************************************************************************************************************************واخيرا اريدان اقول انه ان شاء الله هناك دعوة لكل الناس وعلى راس هذه الدعوه رجاله الثلاثينى بالاعتذار الى كل من الدكتور عماد والحاج على والاستاذ خالد املا فى ان يعودوا الى عملهم السابق فى ادارة الجمعيه التى بدونهم ليس لها اى فائدة

    تحذير2 من قبل ( إدارة المنتدى ) :: تم حذف معظم المداخلة من قبل إدارة المنتدى وذلك رغبة منا فى عدم توسيع الفجوة بين الصفوف ، وبناء على رغبة أحد أعضاء الجمعية أنفسهم والذى يحاول الزائر الدفاع عنهم وعن موقفهم .. أكرر للأخ الزائر ولجميع المدونين فى هذا المنتدى أرجو عدم التجاوز تجاه أى شخص وللجميع منا كل الإحترام والتقدير
    avatar
    الإدارة
    Admin

    عدد المساهمات : 95
    تاريخ التسجيل : 26/12/2010

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  الإدارة في السبت مارس 05, 2011 7:30 am


    تحياتى لجميع القراء

    أود أن أؤكد للجميع أننا أنشأنا هذا المنتدى أصلاً منذ ما يقرب من 3 شهور وأن غرضنا الرئيسى منه هو الصالح العام لكفر البطيخ وشباب كفر البطيخ ، ولكى يكون هذا المنتدى منبراً محترماً لمناقشة أى مشكلات فى هذا البلد وطرح الحلول والبدائل المقترحة وذلك كله فى إطار من الود والتقدير والإحترام المتبادل ، ونؤكد دائماً بأن رأى أى زائر أو عضو فى المنتدى إنما يمثل رؤية شخصية خاصة به وليس بالضرورة أبداً أن يعبر عن المنتدى أو مجلس إدارته .
    كما نؤكد على ضرورة عدم ذكر اسماء لأشخاص بنقد لاذع قد يؤثر على سمعتهم أو ينتقص من قدرهم أو يمكن أن يندرج فى سياق السب والتجريح .

    يمكننا التحكم فى جعل التعليقات بل والإطلاع وقراءة الموضوعات خاصة بالأعضاء فقط والذين نعرف هويتهم دون غيرهم ، ولكنا وفى إطار من الديمقراطية وحرية الرأى والتى نتبناها سواء من خلال المنتدى أو من خلال ( حركة الوحدة ) التى ننتمى إليها أو من خلال فكرنا الشخصى على أقل تقدير لا نفعل ذلك ونعطى الفرصة للجميع بممارسة حقه فى الإطلاع والقراءة والتدوين والتعليق بدون قيود غير الإحترام المتبادل والنقد البناء والحفاظ على الثوابت الدينية والأخلاقية والإجتماعية وهو ما أكدنا عليه سلفاً من خلال قوانين المنتدى .

    قمنا بمراجعة المداخلات وللأسف اضطررنا إلى حذف أجزاء من بعض المشاركات بل وحذفنا مشاركات كاملة لم تلتزم بما ذكرناه وبقوانين المنتدى ، ولذا نرجوا الإلتزام فى كل التعليقات والمداخلات .

    وفقنى الله وإياكم إلى صالح بلادنا

    هانى عيسى

    عاشق كفرالبطيخ

    عدد المساهمات : 7
    تاريخ التسجيل : 02/03/2011

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  عاشق كفرالبطيخ في السبت مارس 05, 2011 9:32 am

    السادة الافاضل؛مديروا المنتدى تحية اجلال وتقدير لجهودكم العظيمة لرفعة هدا البلد ورفع رايتة واعلاء شأنة أشكر لكم تفانيكم لعودة روح الثقة بين جموع المواطنين واتمنى من الله أن يكون للمنتدى السبق والفضل فى لم شمل الاطراف المختلفة فى وجهات النظر لاعادة فتح الجمعية مرة اخري لانها ملك للفقراءبكفرالبطيخ ولا يصح اطلاقا أن تغلق فى وجههم ابدا مهما كانت الاسباب [b][right]

    ???
    زائر

    ايه المشكلة الأن ؟؟

    مُساهمة  ??? في السبت مارس 05, 2011 11:09 am


    السلام عليكم ورحمة الله وبركاته

    أود أن أحيى هذا المنتدى الأكثر من رائع ، وأشكر القائمين على هذا العمل وإن شاء الله ها اسجل وانضم لهذا الجروب الرائع ولكن اعزرونى الأن لعدم التسجيل لأن النت بطئ شوية .

    أما بالنسبة للموضوع بتاع الجمعية ، فاسمحوا لى أن أشكر أولاً صاحب الموضوع أ / هانى عيسى لحرصه على المصلحة العامة وأن أشكر كل من شارك فى الموضوع ولكن أنا شايفة بصراحة إن مفيش مشكلة أصلاً ، الموضوع باختصار ناس مش مسئولة غلطت فى الجمعية وناس عاملين الجمعية لوجه الله مش هيهمهم حاجة من اللى حصل ده وشباب وأهل البلد واعى وفاهم ده ، يبقى الجمعية تشتغل عادى


    ومفيش مشكلة أصلاً .......... مش كده واللا ايه ؟!؟!؟!؟!!!!!!!!!!

    ??? ???
    زائر

    رساله

    مُساهمة  ??? ??? في السبت مارس 05, 2011 4:46 pm

    اود التوجه بالشكر لادارة منتدانا منتدى كفر البطيخ العظيم على موقفهم الحيادى ولكنى بكل الصدق لاابغى التجريح فى شخص اى احد ولكننى اشغر بالغيرة على هذا العمل العظيم القائم عليه جمعية اصدقاء مرضى الكبد ان يذهب فى مهب الريح اثر اتهامات لاذعة ومغرضة ولاتليق برجال كفر البطيخ الشرفاء والتى ليس لها اى اساس من الصحه اذ اصنفها من وجهة نظرى انها من اعداء لنجاح الجمعيه والتى يشهد عليه الجميع لذلك يجب علينا كشباب واع ورجال شرفاء ونساء فضليات الاعتذار للجمعيه حتى يعود هذا العمل كما كان مشرفا لكفر البطيخ واننا نفخر كل الفخر ان يخرج طبيبا من بيننا كالدكتور عماد ليكون الطبيب المثالى لمحافظة دمياط

    ??????
    زائر

    ايه الهبل ده ؟؟؟؟؟؟؟؟

    مُساهمة  ?????? في الأحد مارس 06, 2011 8:06 am


    السلام عليكم يا محترمين

    كفر البطيخ ايه اللى تعتذر وتبوس الرجلين عشان البهوات بتوع الجمعية أولياء الله الصالحين يرضوا يفتحوا الجمعية ويعطفوا على المرضى الفقراء ويتعطفوا ويعطوهم العلاج اللى هو أصلاً مش من جيب أبوهم ، ومن جيوب أهالى كفر البطيخ .

    بلاش كلام فاضى وقلة أدب واللى مش على مستوى المسؤلية يشوف مصلحته ويسيب اللى بيفهموا يمشوا الجمعية لأنها مش بتاع ماما .
    يعنى ايه مريض محتاج يلاقى ناس قاعدة عشان تذل فى أهله ما كفاية اللى هو فيه ، وروح خد علاجك من عند فلان واو من عند علان احنا خلاص مش هنعطى لحد علاج اصل فيه ناس غلطوا فى الذات الإلهية استغفر الله العظيم بلاش مسخرة ونقص .

    وفيه جمعيات خيرية كتير فى البلد ممكن يديروا العمل ده منها جمعية بدر الخيرية وجمعية النور بالمحطة القديمة وغيرها وغيرها وكلهم ناس افاضل بيعملوا الخير ومش منتظرين نياشين من حد .

    اتقوا الله ................ اتقوا الله يا ظلمة

    ???????
    زائر

    بلا انفعال

    مُساهمة  ??????? في الأحد مارس 06, 2011 8:27 am


    يمسيكم ربنا بالخير يا أسيادنا

    أنا ست غلبانة وفقيرة ومعدمة ومحيلتيش فى الدنيا غير اللاب توب بتاعى وبسعى اشحت به على 6 أيتام ، ولما لقيت الموضوع ده مفتوح وفيه أراء كتيرة قلت أقول رأيى واللا عشان غلبانة يبقى مليش رأى واللا عشان انتوا البهوات والأفندية واحنا الناس الغلبانة اللى ملهاش ضهر واللا هى الثورة مش وحدت الطبقات يا اسيادنا والغت تحكم الرأسمالية المتعفن واللا التحكم الرأسمالى المتعفن اتحد مع الرديكالية الجاهلية مع الميكافيلية وسيطروا كمان على الجمعيات الخيرية وأعمال الخير - ومعلش اعذرونى على قد ما قدرت اعبر وانتوا البهوات والسادة واحنا الفقرا ولاد الــ ....

    انا بقى بضم صوتى وصوت ولادى الايتام وعيلتى واللى خلفونى الى رأى الأخ كفراوى ، ما هو كفراوى وانا كمان كفراوية واحنا غلابة وعندنا مرضى والبيه مدير الجمعية اللى يعللى مراتبه هو وأعوانه والسادة المساعدين ايشى خالد بيه وايشى على بيه او يمكن باشا ليكون اخدوا البشاوية وانا معرفش ونقع فى المحزور واحنا غلابة يا اسيادنا ويوقعونا مع امن الثورة اللى جه مكان امن الدولة .

    واصل احنا يا اسيادنا غلابة وما صدقنا ان البلد حنت علينا وتبرعت بفلوس تجيب لنا العلاج والبهوات اللى لمموا الفلوس قال ايه زعلانين ومقموصين اصل فيه واحد غلط فى سيادتهم استغفر الله ونسى واحد تانى يعطيهم التحية العسكرية ما هو اصل الشعب لازم ما يتجرأش على اسياده لانهم هيتحكموا فى الخير اللى هيجيلنا وكده نبقى وقعنا فى المحزور ............. ويحعله عامر

    كفراوية غلبانة

    ???????
    زائر

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  ??????? في الأحد مارس 06, 2011 9:09 am

    رأينا فى هذا الموضوع الكثير من المداخلات من اعضاء للمنتدى واخر من الزوار

    *********************************************************************************************************************************************************************************************************************************************************************************************************** ( تم حذف الألفاظ الخادشة للحياء من قبل الإدارة )وارى بعض الهجوم من الزوار علي القائمين علي اعمال الجمعية (الغير خيرية)من وجهة نظرى
    فلماذا يا سادة يا كرام لا نجعله موضوع رأى عام
    ونجعل له استفتاء كبير على مستوى كفر البطيخ
    من الذي يديره طالما أن الاخوة القائمين عليه يرفضون الاستمرار
    ومن الذي يراقبة
    ومن الذي يشرف عليه ويضمن حسن سير العمل بشفافية تطمئن المواطنين
    وهل يبقى الطاقم القديم غير المتخصص من الواضح فى الأعمال الخيرية
    او يتقدم له فريق عمل متخصص دارس في هذا المجال ويبتغى فيه وجه الله فقط .
    هذا هو رأيي الشخصي مع احترامي الكامل للمشاركين في هذا الموضوع

    وشكراً

    بالاصول يا بتوع الاصول يا شرفاء يا (طاقم الفساد) يا أصحاب الخير يا بتوع الجمعية ........................
    مش كده ولا ايييييييييييه؟؟؟؟؟؟؟؟؟؟؟؟

    ??????
    زائر

    من اجل مستقبل مشرق

    مُساهمة  ?????? في الأحد مارس 06, 2011 3:26 pm

    اولا السلام عليكم ورحمة الله وبركاته : مع احترامى الشديدلكل اعضاء المنتدى والقائمين عليه بانه يجب ان يكون كل الاطراف متساوون فى الحقوق والواجبات فلا يصح ان يتحدث هذا(الكفراوى )بهذه اللهجه المشينه على اعضاء الجمعيه ثم ياتى الرد عليه من قبل الجمعيه فيحذف رد الجمعيه اذا فان الثوره المجيده التى يتكلم باسمها ادارة المنتدى لم تؤتى أكلهامعهم بالرغم بعلهم لشديد بما احدثته جمعية اصدقاء مرضى الكبد فى كفر البطيخ0 فرجائى منكم ايها الاداره ان تتقبلو الراى والراى الاخر وان تكونوا منصفين لجميع الاطراف 0واقول لهذاالكفراوى ان حب عمل الخير الذى بداخل اعضاء الجمعية هو ناتج مارباهم عليه ابائهم واخيرا أأمل من الله ان تعيد النظر فيما قلت لان الاعتذار بعد الخطا من شيم [الرجال]ولاينقص من كرامتهم فى شىء
    avatar
    الإدارة
    Admin

    عدد المساهمات : 95
    تاريخ التسجيل : 26/12/2010

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  الإدارة في الإثنين مارس 07, 2011 5:14 am


    الأخ الفاضل / أبو نور

    أولاً : نحن بالفعل نتقبل الرأى والرأى الآخر ولم نقم بحذف رد للجمعية أصلاً لأن الجمعية حتى الأن لم ترد بأى رد رسمى على كل المداخلات . ولكنا نحذف المداخلات التى تتلفظ بألفاظ نابية وخادشة .

    ثانياً : لا يمكن لأحد أن يتهمنا بالتحيز لأحد ولا نسمح لأحد أن يتهمنا بذلك فقد عرضنا الموضوع بحيادية فى البداية وربما كنا نميل إلى الجمعية وهو ما اتهمنا به ايضاً من قبل البعض ولكن كان هذا اعترافاً منا بما انجزته الجمعيةمن أعمال خير واضحة جلية وهذا رأينا ونقوله بوضوح .

    ثالثاً : لم نقل أننا المتحدثين الرسميين باسم ثورة 25 يناير ولكنا نزعم أننا من ملايين الشباب الذين ساهموا فى الثورة المجيدة ولو بشئ بسيط والأدل على ذلك أننا أيدنا الثورة على المنتدى علناً منذ يوم 25 يناير وقت أن كان النظام فى أوج صولجانه ولم نخشى فى الله لومة لائم وما زال اعلاننا عن التأيد موجود حتى اللحظة أعلى الصفحة الرئيسية وهو موجود منذ عشية يوم 25 يناير والكل يشهد بذلك ، ثم كونا مع أخرين بميدان التحرير ما يسمى ( بحركة الوحدة ) وهى نواة لحزب سياسى عربى يسمى بحزب الشباب العربى والذى نتلاقى من خلال حركتنا بالاف الشباب المثقف العربى وليس المصرى فقط فلا يمكن أو يزايد على وطنيتنا ونشاطنا السياسى أحد . فلربما أكل الثورة الذى تتحدث عنه لم يؤت لأناس آخرين ولا يمكن اتهامنا نحن بذلك .

    رابعاً : أؤكد على جميع الأعضاء والزوار التزام روح قبول الآخر والالتزام بالأداب العامة وعدم التجريح فى أحد أو استخدام الفاظ خارجة ومخلة .

    خامساً : أرجو من مجلس إدارة الجمعية والتى أكن لهم جميعاً كل التقدير أن يبادروا بفتح الجمعية مرة أخرى وممارسة أنشطتها الخيرية مرة أخرى وجزائهم عند الله فى المقام الأول وهذا رأينا من البداية والذى لا نحيد عنه فنحن لا نبدل فى مواقنا وأرائنا .

    سادساً : حق الرد مكفول للجميع فى حدود اللياقة والالتزام بالأداب العامة ومنتظر رد رسمى من قبل الجمعية وأعضاء مجلس ادارتها .

    وفقنا الله جميعاً إلى ما فيه صالح البلاد .

    هانى عيسى

    ??????
    زائر

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  ?????? في الإثنين مارس 07, 2011 7:26 am

    اخوانى /ابناء كفر البطيخ
    انا فرحان جدا ان فيه منتدى لكفر البطيخ على النت وكمان مبسوط جدا ان ابناء كفر البطيخ هم من يديروه
    اولا تحية لهم جميعا الاخ هانى عيسى والدكتور كمال سلامة والباقى من مشرفين واعضاء
    ثانيا الموضوع جميل جدا والاجمل انه اتفتح بعد الثورة العظيمة ما طهرت البلاد من الفسادودا دليل ان الموضوع فيه شبه فساد يعنى مفيش نار من غير دخان
    ثالثا اتفق مع كا من كتب فى الموضوع سواء تحية او نقد بمعنى
    الناس بتوع الجمعية ناس كويسسين ومحترمين بس يا ترى بعد اللى عملوه وقفل الجميعة دا معناه انهم عاملوها لوجه الله ؟ ماظنش دى بقى للمنظره وحب الظهور واظنهم اغلبهم نكرات وموش معرفين ومحتاجين الف ولام
    ثالثا ليس لك الحق ان تتصرف فيما لا تملك ازاى الرجاله يتصرفوا فى امولنا اللى بيلموها عشان المرضى بمزاجهم؟ دا بقى الفساد بعينه
    رابعا هل عقمت كفر البطيخ يا عماد بيه عشان يمسك الجمعية واحد بقال والتانى بتاع جبس والجميل بقى بتاع سلوك الدش اللى هرينا افلام اباحية فى بيوت المسلمين؟ يا اخواننا دى قلة ادب وقلة ذوق وعدم تميز
    خامسا انا سمعت ان فى واحد انتقد الجمعية فى مؤتمر لسامى بلح هوا دا بقى السبب لكل دا ان واحد اتجرا وهاجم الذات الملكية ؟ ما كفاية المنافقين اللى بيسبحوا بحمدكم كل شويه واهم مالين المنتدى دا حتى اصحاب المنتدى بينفقوكم عشان ايه مش عارف؟
    سادسا فيه ناس كتير بتعمل خير فى البلد ومبتستناش كلمة شكر ولو حد غلط فيها مبتتكلمش ومبتقفلش جمعياتها وعلى فكره الناس دى كمان بتدفع من جيوبها مش بتلم من الناس
    سيبوا الجمعية للناس بتوع الخير اللى بيفهموا فيه
    او يبقى الواد عنده حق وانتم بتستفيدوا منها وبيطلعلكم نسبة يعنى واحد عيادته بتتملا وناس بتاخد مرتب وناس بتبيع دوا وسلملى على عمل الخير************
    انا مش عاوز اطول واسف انى بكتب بالعامية دا بس عشان الناس تقرا وارجوا ان كلامى اللى مفيهوش اساءة ميتحذفش منه حاجة والا هيكون المنتدى فاقد للمصدقية
    سلام

    مصيلحى النمر
    كفر البطيخ /المحطة الجديدة

    مهندس نبيل الحفناوى

    عدد المساهمات : 6
    تاريخ التسجيل : 07/03/2011
    العمر : 38
    الموقع : nabilelhefnawy@yahoo.com

    ارجو من الجميع درء نار الفتنه فى كفر البطيخ

    مُساهمة  مهندس نبيل الحفناوى في الإثنين مارس 07, 2011 8:48 am

    اولا احب ان اظهر اعجابى الشديد بما تقدمه جمعيه اصدقاء مرضى الكبد بمدينتنا الغاليه كفر البطيخ واخص بالذكر الطبيب المثالى فى محافظه دمياط اخى وصديقى عماد بلح وارجوه ان يعمل جاهدا على درء هذه الفتنه التى تطل بعينها على وجه بلدنا ارجو الحوار البناء ارجو الجلوس معا وسيادة المحترم الاستاذ سامى بلح والعمل على كيفيه تطوير الجمعيه لا على غلقها وبعيدا عن الاتهامات والتجريح فى الاشخاص فالكل معروف فى بلدنا ومرئى روؤى العين لمثقفى بلدنا ومن يريد المتاجرة بالناس ومن يريد المنصب ومن يريد عمل الخير ارجو اغلاق هذا الموضوع والاستعداد لترشيح 10 اشخاص من مثقفى بلدنا لمجالس المحليات وابعاد المشبوهين والاكلى على كل الموائد من المجلس فورا وابعاد الوجوه المحروقه واسف على اطالتى وشكرا اخيكم نبيل الحفناوى مهندس مدنى

    المهندس

    عدد المساهمات : 12
    تاريخ التسجيل : 05/01/2011

    الموضوع لبخ ليه ؟؟

    مُساهمة  المهندس في الإثنين مارس 07, 2011 9:15 am


    السلام عليكم ورحمة الله وبركاته

    الموضوع كان ماشى تمام ونقاش بكل احترام بين جميع الأعضاء والزوار وهو ده اللى نفسنا كلنا فيه ، حوار هادف محترم نصل به حلول مش للموضوع ده بس لأ لكل مشاكل كفر البطيخ

    لكن انا شايف ان الموضوع كده بقى غلط و تبادل اتهامات وهو ما نرفضه تماماً .

    شكراً للجميع

    ??????
    زائر

    رساله

    مُساهمة  ?????? في الإثنين مارس 07, 2011 3:52 pm

    الفاضل الاستاذ هانى عيسى لقد اختلط عليا الامر ان الجمعية ردت 0ولكن مازال هناك تجريح فى الجمعيه وفى اعضائها من قبل الاخ مصيلحى وهذا مالا يقبل لان بتاع الجبس وبتاع السوبر ماركت الذى يتحدث عنهم الاخ الكريم طالع عينهم فى الجمعيه وحضرته نايم فى بيتهم و هذا كله لله وليس لاحدلكن الاهانه التى زادت وفاضت عن حدهاقللت من عزيمتهم التى من المفترض ان نشجعهم بكل لياقه على بذل المزيد من الجهدفى الوقت الذى تمر به البلاد بازمه 0وان نترك الكلام الذى لايجدى نفعا جانباونضع ايدينا فى ايدى القائمين على الجمعيه ونتعاهد لصالح مرضى المسلمين ومن اجل استكمال مشروع (مجمع النور الطبى الخيرى بالثلاثينى)ومن بعده ان شاء الله مشروع دار المسنين0 وفقكم الله لما هو فيه خير هذا البلد

    abdoo66

    عدد المساهمات : 27
    تاريخ التسجيل : 07/03/2011

    اذا كان رد الحق مكفول للجميع!!!!

    مُساهمة  abdoo66 في الإثنين مارس 07, 2011 7:52 pm

    1-السلام على من اتبع الهدى

    2-شكرا على الموضوع الشائك المسار عندكم
    3-كثير مما نشر عندكم يشوبة الاخطاء من المعرفة بحقيقة ما جرى وبالتالى الرد علية كان عنيف جدا
    4-كل من ردعلى الموضوع معة حق لانة هوالشباب من ملتقى الشياب المثقف الواعى بالمدينة
    فيكون مثل -1-----يجب علينا كشباب واع ورجال شرفاء ونساء فضليات الاعتذار للجمعيه حتى يعود هذا العمل كما كان مشرفا لكفر البطيخ واننا نفخر كل الفخر ان يخرج طبيبا من بيننا كالدكتور عماد ليكون الطبيب المثالى لمحافظة دمياط !!!!!!!!!!!!!!!!!!!!!!!!

    2--------
    سادساً : رسالة الى الأخ الدكتور عماد سعود بلح وأعضاء جمعيته "" لا تتخلوا عن مرضاكم "" وإلا فذنبهم فى رقبتكم أنتم وليس فى رقبة الهدامين .

    -------3---لا استطيع ان ابدأ كلامي فى هذا الموضوع
    ولا اجد من كلمات تعبر عن الذي حدث لشباب هذا البلد
    فأشكر الاستاذهاني عيسى علي تبنيه هذا الموضوع وعرضه في المنتدي
    فعندما اعبر على هذه الكلمات احس بالخزي من هذا العمل المنكر
    الذي قام به مجموعة من الجاهلين بهذا المجهود الخيري العظيم
    الذي من اجله يشفي ويمنع اوجاع المرضي (شفاهم الله) بكفر البطيخ
    فبهذا التوقف عن عمل الخير يعتبر فوز لمجموعة من الجاهلين لا يستحقوه
    فنرجوا ونناشد كل اعضاء الجمعية الخيرية
    بالبدء فورا فى عمل الجمعية واستئناف كافة اعمالها الخيرية التي عودتمونا عليها

    ـــــــــــــــــــــــــــــــــــــــــــــــــــــــــــــــــــــــــــ

    5-هذاهوا رد الشباب المثقف الواعى لانة##### لا يعرف الحقيقة كاملة ومعطياته ناقصة .

    الموضوع الذى نتحدث عنه ببساطة -- كان هناك مؤتمر لطرح الفساد والفاسدين فى كفر البطيخ
    من اهدافة--الحضانات تكون بلمجان او باقل من250 فى اليوم ومحاولة تفعيل ذلك
    عمل كبونات ب5 جنية تدفع من كل منزل فى كفرالبطيخ
    لصالح المستوصف لكى يكون بها دكتور متخصص نظرا لعدم وجودهم فى البلد نهائيااااااااا
    وافكار كثيرة لصالح المستوصف والجمعية ولصالح الخير فى كفر البطيخ هذا ما كنا نسعى الية فى المؤتمر وهذا حقيقة ما حدث .
    وصل كلام الى الدكتور عماد معاكس تماما لاهداف المؤتمر وبلغه أننا نجرح فيهم وهذا لم يحدث ، وهو معة حق فبما قاله ولكنه ليس فى مكانة لانه ليس ثمة شخص أخطأ فيه أو فى غيره

    ومش هنحيلك عشان تفتحه لان مش من حقق تغلقة أصلاً .

    شكراً

    ???????
    زائر

    رد: جمعية أصدقاء مرضى الكبد بكفر البطيخ ( نظرة موضوعية )

    مُساهمة  ??????? في الثلاثاء مارس 08, 2011 8:55 am


    يمسيكوا بالخير يا أسيادنا

    طبعاً انتوا خلاص عرفتونى ومش محتاجة أعرفكم بنفسى تانى ولا أقولكم إنى ست غلبانة من كفر البطيخ ومعدمة وفقيرة ومحيلتيش غير اللاب توب اللى بكلمكوا من عليه ده وحتى شاحتة الفلاشة من أم نواعم الغسالة اللى زى حلاتى غلبانة وبتسعى وتجرى على عيالها ، ما هو اصل الحال واقف حبة لكن وماله ما نتحمل ، بلدنا فى ثورة وجيبالنا خير كثير ما يتحمل ، وبلدنا خلاص هتتعجرم من غير مكياج و هتتجمل .

    بس حارتنا فى كفر البطيخ سودا وحياة الناس بقيت كودا ومنال بتعيط والواد حودا وكمان الغلبان عمك فودة .. قال ايه البيه الدكتور زعلان اصل مزين شتمه كمان وانضم له واحد كحيان غلطوا وسبوا سيدنا البيه ..

    طيب ليه وكمان ليه انتوا هتنسوا واللا ايه !!! ده سيدنا الدكتور راجل بيه بيوزع دوا على الغلبان والفقران معدوم الحال وأم حوده وأخت منال وعمك فوده البقال يبقى يا ناس ده يبقى كلام .

    زعل البيه وابصر ايه قفل الخير مش هو لوحده ده كمان وياه مساعديه ... عايزين حودة وأخت منال وكمان فوده البقال يجوا يحبوا على رجليه .

    ومش فى الدرا ولا بينه وبينهم ولا كلام بس لترضية .. لأ ده فضايح وازلال ومؤتمر عند الجمعية
    ما هو اصل البيه زعلان .

    نسى البيه انه هو وكمان مساعديه الأخيار خير بلدنا على اللى جبوهم وهى اللى عملتوا منشار طالع واكل نازل واكل ، وكمان مثالى ومختار .. فعشان ايه زعلان يا بيه ، وتمسخر فقرا بتاع ايه وتذل انفاسهم ليه وتقطع خير مش من جيبك .. هى دى برده الأخلاق ده خير من ربك الرزاق باعتوا عشان يتغطوا بيه مش علشان تتأمر بيه .

    مش عايزين تعملوا فى الخير سيبوا الخير لأصحاب الخير ومش اسفين يا سعادة البيه ولا منال ولا الواد حوده ولا كمان الطيب فودة اسفين لك يا سعادة البيه ، وسيب الخير لأهل الخير

    ويجعله عاااااااااامر

    كفراوية غلبانة
    ومحتاجة علاج هى وكل أهل الحارة

      الوقت/التاريخ الآن هو الثلاثاء سبتمبر 18, 2018 8:50 pm