كفر البطيخ ( من أجل مستقبل مشرق )

مرحبا بك زائرنا الكريم

منتدى ثقافى إجتماعى يتحدث عن كل ما يخص مدينة كفر البطيخ ( بدمياط ) . المنتدى ملتقى الشياب المثقف الواعى بالمدينة .


    مفارقات من عشرين ( ربعيات ) الجزء الاول

    شاطر
    avatar
    مصطفى عزام

    عدد المساهمات : 25
    تاريخ التسجيل : 22/01/2011

    مفارقات من عشرين ( ربعيات ) الجزء الاول

    مُساهمة  مصطفى عزام في الأحد يناير 23, 2011 12:54 pm

    الجزء الاول :
    ( 1 )
    غيـــم وراى غيــم والفـــــجر إمتي
    صباح بيقتل صباح والشروق إمتي
    وانت يللي نايم مستني اية
    ده الخوف بيتخلع بايدك انت
    ( 2 )
    عد الحصي واحد إتنين تلاته
    هتلقي الحلم ماشي تاته تاته
    واحنا يلي يامه حلمنا
    منطول من الرغيف غير الفتاته
    ( 3 )
    إنسي الجرح بقي ياقلبي وعيش
    يأمة هخلعك من صدري وميهمنيش
    يمكن يطلع نهار جديد
    سايق عليك النبي متهذنيش
    ( 4 )
    دق الشكوش علي السندال وقال تراخ
    الطفل بينزل مغمض وضحكته صراخ
    وحنا يلي منعين الحياه
    ليه لما بننجرح بنقول أخ
    ( 5 )
    اتفرج ياسلام اتفرج ياولة
    كلام الاكابر علي الغلابه زلزلة
    زرعين الالم في أواني الورد
    نزعين الضحكه من الولولة
    ( 6 )
    اتبعترت مني السنين في السكة
    عشقت بنت جميلة أجمل بنات الحتة
    بعترت بأديها حبات الزمن
    وأنا واقف كما الجبل متكسرتش لسة
    ( 7 )
    مستني بكره والزمان غدار
    واستني ليه وبتنهدم بدل مبتبني الدار
    واستني بكره وبكره لساه بعيد
    دا الجرح صعيب قوي وأصعب منه الانتظار
    ********* !!
    مصطفي عزام

      الوقت/التاريخ الآن هو الأحد ديسمبر 16, 2018 8:45 am